उपसभापती : सन्माननीय सदस्य श्री. जयंत प्र. पाटील, वि.प.स. यांनी "पेण, जिल्हा रायगड येथील तालुका कृषी अधिकारी श्री. अशोक चव्हाण यांनी दिनांक ६ एप्रिल २०११ रोजी कार्यालयातील महिला कर्मचाऱ्यांबाबत अश्लील उद्गार काढून त्यांचा विनयभंग केला, या तक्रारीची पोलीस ठाण्यात नोंद केल्यावर श्री. अशोक चव्हाण फरार होणे" या विषयावर नियम ९३ अन्वये सूचना दिली आहे. तो नियम ९३ चा विषय होत नसल्याने, मी सूचनेस अनुमती नाकारीत आहे. मात्र या विषयावर शासनाने निवेदन करावे.
यानंतर सन्माननीय सदस्य सर्वश्री. रामनाथ मोते, विनोद तावडे, धनंजय मुंडे व संजय केळकर वि.प.स. यांनी "डोंबिवलीत औद्योगिक क्षेत्र भूखंडावरील असलेल्या सदनिकांत राहणाऱ्या लाखो रहिवाशांना प्रशासनाने दिनांक ३१ मार्च २०११ रोजी पाठविलेली नोटिस,नोटिस काढण्याआधी रहिवाशी यांच्या समवेत विचारविनिमय न करता प्रशासनाने एकतर्फी वाढविलेल्या ट्रान्सफर फी बाबत" या विषयावर नियम ९३ अन्वये सूचना दिली आहे. तो नियम ९३ चा विषय होत नसल्याने, मी सूचनेस अनुमती नाकारीत आहे. मात्र या विषयावर शासनाने निवेदन करावे.
यानंतर सन्माननीय सदस्य सर्वश्री.चंद्रकांत पाटील, विनोद तावडे, भगवान साळुंखे व धनंजय मुंडे वि.प.स.यांनी "कोल्हापूर शिवाजी विद्यापीठाची रिक्त पदे भरण्याबाबत,तसेच विद्यापीठाला वेतन अनुदान देण्याचा निर्णय देण्याबाबत" या विषयावर नियम ९३ अन्वये सूचना दिली आहे.तो नियम ९३ चा विषय होत नसल्याने, मी सूचनेस अनुमती नाकारीत आहे.मात्र या विषयावर शासनाने निवेदन करावे.
